Takornariat arfinillit Thailandimi ipillutik ajunaartut
Qaarusussuup iluaniitsillutik takornariat angallassisartuilu ipillutik ajunaarput.
Allattoq Mads Lynge
Takornariat Thailandimiittut arfinillit takornarianillu angallassisartut marluk qaarusussuup iluaniitsillutik ipillutik toqusimapput.
Nunami allanngutsaaliukkami Khao Sok-imik taaneqartartumi angalaarnerup nalaani ajutoortoqarpoq.
Nukappiaraq Tysklandimeersoq qulinik ukiulik ajunaartunut ilaavoq.
Ajunaartut allat suminngaanneernersut ilisimaneqanngilaq.
Arnaq inuusuttoq 17-inik ukiulik aniguivoq. Danmarks Radio nittartakkamini taama allappoq.
- Arnaq inuusuttoq qaarusuup iluaniittoq nassaarineqarpoq, qaarusumminngaanniillu anisinnaasimanani, angut Khao Sok-i sinnerlugu oqaaseqartartoq oqarpoq.