Takornariat amerlipput

maajip 01-at 2007 09:19

Kalaallit Nunaannut takornarniartartut amerliartornerat naatsorsueqqissaarnerni aamma erserpoq.

Kalaallit Nunaanni Naatsorsueqqissaartarfiup kisitsisaatai naapertorlugit siorna 2006-imi aatsaat taama takornarniaqartigisimavoq, tassa unnuisartunik.

Unnuisarlutik takornarniat siorna 245.000-it missaanniissimapput, ukiumi siuliani 215.000-ingajaasimallutik. Qaffariaat 13,7 procentiulluni.

Unnuisarlutik takornarniartartut siornatigumut naleqqiullugu ulluni arlaqarnerusuni unnuisalersimapput, kisitsisittaaq paasinarsisippaat Danmarkiminngaanniit takornarniartartut amerliartortut.

Danskit 101.000-it siorna 2006-imi takornarniarsimapput, ukiumi siuliani 68.000-ingajaasimallutik. 33.000-it missaannik amerleriarsimapput, tassa marloriaatingajammik amerlisimallutik.

Nunani allaniit takornarniartatut Nogemiit amerlanerpaapput, Canadamiilli takornarniatartut ikileriangaatsiarsimallutik.

Nuuk, Maniitsoq, Sisimiut Kangerlussuarlu Kalaallit Nunaata Qeqqani ornigarneqarnerpaasut, Kalaallit Nunaanni Naatsorsueqqissaartarfiup kisitsisaataani nutaani erserpoq.