Takornariat amerlatsikkiartorput

Nunatsinnut tikeraartut ukioq manna qaammatini arfinilinni siullerni malunnaatilimmik amerleriarsimapput. Nunatsinni unnuinerit nalunaarsorneqarsimasut naapertorlugit 14,8 procentimik qaffariarsimasut Nunatta Naatsorsueqqissaartarfianit nalunaarutigineqarpoq.

Ukioq manna qaammatini arfinilinni siullerni 114.485-t unnuisimapput – siorna taamaalineranut sanilliullugu unnuisut 15.000-t missaanni amerlanerit unnuisimallutik. Nunatsinnut tikeraartut 2.000-it missaanni amerleriarput imaluunniit 6,3 procentimik qaffariarsimallutik.

Tikeraat USA-meersut procentinngorlugu qaffariarnerpaapput. Ukioq manna qaammatini arfinilinni siullerni 6.377-t USA-meersut unnuisimapput, siorna taamaalineranut sanilliullugu USA-meersut unnuisut 71 procentimik qaffariarsimallutik.

Danmarkimiit tikeraat aamma amerleriarsimapput, procentinngorlugu 50 procent sinnerlugu qaffariarsimagamik. Ukioq manna qaammatini arfinilinni siullerni 13.500-t missaat Danmarkimiit nunatsinni unnuisimapput.