Takornariassamaartorpassuit unerarput

Aningaasatigut ajornartoornerup Nunarput maanna eqqorpaa. Takornariassamaartorpassuimmi uneraannarput, pingaartumillu Ilulissanut aasaru angalaassamaartut taamaatitsiinnarput. Sermitsiami tamanna allaaserineqarpoq.
maajip 04-at 2009 07:15

Taamaatiinnartut imaaginnavipput, World of Greenlandillu, Kalaallit Nunaannut takornarniartitsisartuusup, 2009-mi 20 procentinik kaaviiaartitakinnerunissartik ernummatigaa. Taamaappat kaaviiaartitat 25 - 20 millioni koruuninik appariassapput, tassa Ilulissaniinnaq. Sermersuarmut qulimiguulimmik takornarniarneq kangerlummilu umiatsiamik angalaartarneq aningaasarsiornikkut ajornartorsiornermit eqqugaassaqaat.

- World of Greenlandip aningaasartuutit aalajangersimasut appartissinnaavai, taamaattumik ajornavianngilavut, pisortaq Espen Andersen ilisimatitsivoq. Tikkuarpaali tamatta Kalaallit Nunaanni kommuninullu akileraartartugut, taamaattumik akileraarutitigut isertitat appariassapput.

World of Greenland Grønlands Rejsebureaumit, Topas Adventure Travelimit Ole Dorphimillu pigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq