Takornariartaatit amerlanerulernissaat suleqatigiillutik anguniarpaat
Atlantikup Avannaanut takornariat amerlanerulernissaat siunertaralugu Kalaallit Nunaanni Savalimmiunilu takornariaqartitsisut europami umiarsuaateqarfissuarnut asigiinngitsunut nittarsaassileruttorput.
Allattoq Louise M. Kleemann
- Umiarsuit takornariartaatit amerlanerusut Kalaallit Nunaannut tikittalernissaat siunertaralugu taamatut aaqqisssuussivugut, Malik Milfeldt Kalaallit Nunaanni Takornariaqarnermi Inuussutissarsiornermilu Siunnersuisoqatigiinneersoq taama oqarpoq. 2009-mi takornarissat amerleriarnissaat naatsorsuutigineqartoq Malik Milfeldtip ilanngullugu ilisimatitsissutigaa.
Kalaallit Nunaanni Takornariaqarnermi Inuussutissarsiornermilu Siunnersuisoqatigiit Savalimmiunilu takornariaqartitsivik Torshavn Havn nittarsaassinermut aaqqissuisuupput.