Takornariartaatinut piumasaqaatissat ministerit unitseqquaat

- Maani ingiaqatigiilluni ingerlaaqatigiittarnissamut piumasaqaat isumassarsialatsialaanngilaq, takornariaqarneq pillugu naalakkersuisoq Jens B. Frederiksen oqarpoq. Nunatta imartaani angallannermut maleruagassat 2009-mi sukateriffigineqarsimasut, Jens B. Frederiksenip aamma innersuussutigaa. Tassalu maleruagassat malillugit takornariartaatit sikusiutitut atorsinnaasariaqarput qullersuarnillu unnuakkut seqersartoqarnissaat piumasaqaataalerluni. Tamatuma saniatigut issittumi umiartornermik misilittagalimmik takornariartaassuarmi aquttoqartarnissaa aamma piumasaqaataavoq.

Nunatta imartaani takornariartaatit ingiaqatigiittalernissaannik piumasaqaateqalernissamik oqallinneq Jens B. Frederiksenip akuliuffigaa, qallunaallu imarsiornermut qullersaqarfiata aamma Nunat Tamalaat Imarsiornermut kattuffissuata IMO´p nunatta imartaani takornariartaatit ingiaqatigiittalernissaannik malittarisassaliariniagaat akerlerinerarlugu.

- Maani ingiaqatigiilluni ingerlaaqatigiittarnissamut piumasaqaat isumassarsialatsialaanngilaq, takornariaqarneq pillugu naalakkersuisoq Jens B. Frederiksen oqarpoq.

Nunatta imartaani angallannermut maleruagassat 2009-mi sukateriffigineqarsimasut, Jens B. Frederiksenip aamma innersuussutigaa. Tassalu maleruagassat malillugit takornariartaatit sikusiutitut atorsinnaasariaqarput qullersuarnillu unnuakkut seqersartoqarnissaat piumasaqaataalerluni. Tamatuma saniatigut issittumi umiartornermik misilittagalimmik takornariartaassuami aquttoqartarnissaa aamma piumasaqaataavoq.

Jens B. Frederiksenip ministereqatini, Imarsiornermut Qullersaqarfimmut aamma naalakkersuinikkut qullersaasoq,  Ole Sohn, ataatsimeeqatigigamiuk, kalaallit isummersuutaat paasineqarluarnerarpai, maleruagassanillu sukaterinissamut piffissaannginera isumaaqatigiissutigaat.

Taakkuali isummernerat Imarsiornermut Qullersaqarfiup paaasininneranut akerliuvoq.

- Takornariartaatit kisimiillutik sikusiortut ernumagisupilussuagut. Arlaammi arlaatigut ajutooraluarunik, allanik isumalluuteqaratik imminnut ikiortariaqassapput, annaassiniartussat ullorpaaluit atorlugit ikiuukkiartortariaqartarsinnaammata. Taamammat takornariartaatit ingiaqatigiittarnissaat piumasaqaataasariaqarpoq, aappaa ajutuussagaluarpat, ingiaqataata ingerlaannaq ikiorsinnaassammagu, Imarsiornermik Qullersaqarfimmi allaffissornermi qullersaq Per Sønderstrup radioaviisimi qanittukkut oqarpoq.

Aamma Danmarks Teknikske Universitetimi ilisimatuup Hans Otto Kristensenip takornariartaatit ingiaqatigiittalernissaat qanittukkut piviusunngornissaa pisariaqartuusoq nittartakkakkut atuagassiami Ingeniørenimi erseqqissarpaa.

- Takornariartaatit kisimiinniarunik issittup imartaaniittariaqanngikkaluarput. Ilami takortariartaassuartut Costa Concordiatut ittoq 4.200-nik ilaasulik issittup imartaani umiussagaluarpat, ajunaarnersuaqasagaluarpoq, Hans Otto Kristensen qanittukkut oqarpoq.

Taamaattumilu umiarsuit takornariartaatit issittup imartaani ingiaqatigiittarsinnaanissaat pillugu oqallinneq tamaanga suli killeqarunanngilaq.