Takornariartaatinik umiarsuaatileqatigiiffik pilersippaat

Takornarianut umiarsuaatileqatigiiffik Azama Cruises siullermeerluni 2012-imi nunatsinnukartitsissaaq. Kalaallit Nunaannukartitsisalersussat umiarsuit atorlugit takornariarnermik suliallit Miamimi saqqummersitsinersuanni takutitseqataapput.
Allattoq Najaaraq Egede
marsip 26-at 2010 11:16

Azamara Cruises piginneqatigiiffiuvoq nutaarluinnaq marlunnik immikkut 694-inik ilaasoqarsinnaasunik umiarsuaateqartoq. Takornariartaatit ateqarput Azamara Journet aamma Azamara Quest.

Nunatsinni Takornariaqarnermi Inuussutissarsiornermilu Siunnersuisoqatigiit GTE-p Suliniutinut attaveqaqatigiinnermullu Pisortaa Anders la Cour Vahl isumalluarpoq:

- Azamara suleqatigilissallugu qangali eqqarsaatigaarput, taamaammat qilanaarpugut, oqarpoq.

Floridamiittumi saqqummersitsinersuarmi Cruise Shipping Miami-imi GTE-p saniatigut suliffeqarfiit nunatsinni angerlarsimaffeqartut tallimat peqataatitaqarput.

Siunissaq qaamasutut takorluulereeraat malunnarsimavoq.

- Ukioq 2009-mi nunarsuarmi aningaasarsiornikkut ajornartorsiorneq takornariaqarniarnermik assut ajoqusiisimavoq, aamma takornariartaassuarnut. Taamaammat umiarsuit atorlugit takornariartaatileqatigiit isumalluarpalaalersimanerat takullugu uatsinnut nuannerpoq, GTE-mi Nittarsaassinermut pisortaq Lykke Yakaboylu oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq