Takornariartaassuit nakkutigineqarneroqquaat

Umiarsuarsuit takornariartaatit nunami eqqissisimatitami tunumiittumi ingerlaaleraluttuinnarnerat, Kangilinnguani sakkutooqarfimmiit ernummatigineqarpoq.

Neriuutigaat, nunat tamalaat imartat pillugit suliniaqatigiiffianiit tamanna eqqumaffigineqalissasoq. Satellitsi aqqutigalugu alapernaarsuutinik peqalerumaarnissartik neriuutigaat taamaalillutik umiarsuit qassit nuna eqqissisimatitassaq aqqusaarsimaneraat nalunaarsorneqarsinnaaqqullugu.

- Satelitsi aqqutigalugu nammineq ingerlasunik nalunaarsuutinik umiarsuit tamarmik atortulersorneqartariaqaraluarput, soorluttaaq aalisariutit taama ittunik peqartartut. Taava umiarsuarmik angallavigineqartut tamarmik arajutsineqartassanngikkaluarput, taama oqarpoq, Kangilinnguani kaptajniusoq Søren Drejer.

Umiarsuit takornariartaassuit ilaat inunnik 3.000-inik ilaasoqarsinnaapput, umiatsiallu annanniutit taakkununnga naammattut aamma pigineqartarput.

Ernummataasorli unaavoq, umiusoqassagaluarpat tunumi nunami inuilaarsuarmiittumi inuit 3.000-t qanoq pineqarsinnaanerat piareersimaffigineqanngimmat. Taamatuttaaq nunarsuup eqqissisimatitaasup angallavigineqalerattuinnarnerata nalunaarsorneqannginnera qanoq nakkutigineqarsinnaanersoq aammattaaq piareersimaffigineqanngilaq.