Umiarsuarmut takornariartaammut ilaasimasoq nualluummik taassuminnga tunillanneqarsimasoq Hong Kongimi paasineqarmat, ilaasuni 280-it misissorneqarput.Assi: Kim Kyung-Hoon/Reuters/Ritzau Scanpix

Takornariartaammi coronavirusimik tunillanneqarsimasut amerlisut

Umiarsuarmi takornariartaammi Japanimi taleqqasumi ilaasut ilaat coronavirusimik tunillanneqarsimammata sapaatit-akunnerini marlunni nioqqusaajunnaarallarput.

Japanimi umiarsuarmi takornariartaammi ilaasuni nualluummik coronavirusimik tunillatsissimasut 60-inik amerlisimasut paasineqarpoq.

Nutaarsiassaqartitsivik Reuters taama allaaserisaqarpoq.

Takornariartaammi "Diamond Princess"-imi ilaasuni coronavirusimik tunillanneqarsimasut katillugit 130-nngorput.

AAMMA ATUARUK Japanimiut umiarsuaanni takornariartaammi ilaasuni 61-it coronavirusimik tunillatsissimasut

Umiarsuarmut takornariartaammut ilaasimasoq nualluummik taassuminnga tunillanneqarsimasoq Hong Kongimi paasineqarmat, ilaasuni 280-it misissorneqarput.

Ilaasut nerisassanik namminneq aalleqqusaajunnaartut

Umiarsuaq februaarip ulluisa 19-iata tungaanut mattussaaqqassaaq, ilaasullu 3700-t aamma mattussaaqqassallutik.

Umiarsuaq takornariartaat "Diamond Princess" nerisassanik imermillu pilersorneqarpoq, nerisassallu killilersorneqalerlutik.

Ilaasut iniminnit anitsaaliorneqarput, nerisassanik namminneq aalleqqusaajunnaarsinneqarput, nerisassallu ininut pajugutigineqarnissaat utaqqissallugu.

AAMMA ATUARUK Umiarsuarmi takornariartaammi ilaasorpassuit nioqqusaajunnaarallartut

Umiarsuaq Japanimi illoqarfiup Yokohamap umiarsualiviani taleqqavoq.

Kinami inuit nualluummik coronavirusimik toqquteqarsimasut maannamut 908-pput, inuillu tunillanneqarsimasut 40.000-init amerlanerullutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat