Takornariarlutik sermersuarmik itiviiniartut
Sermersuarmik itiviiniat inuit sisamaasut tassaapput, angalanissamik aaqqissuisoq siornatigullu tunup avanaani Sirius-ikkunni sulisimasoq, Jesper Melin taassumalu anaanaa 53-inik ukiulik, aappariillu 63-inik ukiullit.
Sermersuarmik itiviiniarneq ukiumik ataatsimik sivisutigisumik piareersarneqarsimasoq oqaatigineqarpoq.
Itiviiniartut Kangerlussuarmiit marlunngorpat aallarunik tunumi Isortup tungaanut sisoraatit qimussillu atorlugit ingerlaassaapput, Itiviiniat naatsorsuutigaat ullormut kilometerit 20-it ingerlaarnerminni atortassagitsik, ullullu 30-it atorlugit Isortup tungaanut ingerlanissartik naatsorsuutigalugu.
Sermersuarmik itiviinermik aaqqissuisut, aappagu angalanissamut takoqqusaarusioreerput, angalanerlu 50.499,00 koruuninik naleqarpoq.