Assi: Lonely Planet

Takornariarfissanik najoqqutassiap Nunarput piukkunnarnerpaanut qulinut ilannguppaa

Takornariarfissanik najoqqutassiap, nunani tamalaani malinnaaffigilluarneqartup, Lonely Planetip, Kalaallit Nunaat tikeraassallugu piukkunnarnerpaanut qulinut ilanngussimavaa.

Tamannalu takornariaqarneq pillugu siunnersuisoqatigiit, Visit Greenlandip, nuannaarutigaa. Taakku nutaarsiassaq qaammatit arlallit ilisimasimavaat, isertuuttariaqarsimallugulu.

Aamma atuaruk Nittartakkakkut takornarissat pilerilersinneqassapput

Pisortap Anders Stenbakkenip ingammik Nunatta nunarsuarmi nunani tikitassani pilerinarnerpaani qulini akuulernera nuannaarutigaa.  

-Tuniniaanitsinni immikkkut piukkunnartitavut Lonely Planetip oqaatigiinnartutullusooq ippai. Tuniniaariaaserput ”Big Arctic Five”-imik taaguusigarput, arsarnernik, qimussernermik, arfernik takornariartitsinermik sikumillu ilaatigut soqutiginnilersitsiniarpoq, Anders Stenbakken oqarpoq nangillunilu:

Aamma atuaruk Visit Greenlandip Amerikamiut siunnerfigai

- Takornariarfissap nunap taama mikitigisup takornariarfissat nunat anginerit, soorlu USA, Uruguay, Australia aamma Japan akuleruffigisinnaammagit nunatsinni takornariartitssisartunut nersorinnissutaavoq.

Nunani allani ornigassaqqinnerpaat qulini Botswana siuttuuvoq, taavalu Letland Polenilu. Kalaallit Nunaat qulingiluaanni inissisimavoq Fiji qulinganiilluni.

Takornariarusuttunut najoqqutassiaq Lonely Planet ukiuni 40-ni saqqummertareertoq, 30 millioninillu sinnerlugit naqiterneqatarluni. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat