Takornariaqartitsivik nutaamik ateqalerpoq
Siunnersuisoqatigiiffik Visit Greenlandimik taaguuteqalerpoq, Nunattalu takornariarfittut nittarsaanneqarnissaanik suliaqalissalluni.
Suliffeqarfiup siulersuisuini nutaajusuni, Karin Egede siulittaasunngorpoq, siulersuisuni ilaasortat tassaallutik Annette Lings, Ole Andersen aamma Salik Hard.
Qullersaqarfimmi sulisut allannguuteqanngillat.
Siunnersuisoqatigiiffiup allanngortinneqarneratigut suliffeqarfinnut siunnersuisarneq piginneqatigiiffimmut ilisimaneqarpallaanngitsumut, Inuit Service Company-mut nuunneqassaaq.
Visit Greenlandip Nunatsinni takornariartitsinermi ilisimasanik katersiffittut inissisimalernissaa naatsorsuutigineqartoq, Naalakkersuisut naatsumik nalunaarutigaat, Nunattalu takornariarfissaqqinnerata suliffeqarfittaamit siammarterneqarnissaa naatsorsuutiginerarlugu.
