Takornariaqarnermut Inuussutissarsiornermullu Siunnersuisoqatigiit, siulittaasortaarput. Siulittaasunngortoq tassaavoq Ilulissaneersoq, Ole Dorph.
Ole Dorph timmisartuutileqatigiiffimmi Air Alpha Greenlandimi, pisortaavoq. Air Alpha Qeqertarsuarmi eqqaanilu timmisartuussisarnernut siusinnerusukkut isumaqatigiissuteqarluni kiffartuussisarpoq.
Ole Dorph Inatsisartuni Siumut sinnerlugu ilaasortaasimavoq, Naalakkersuisunut aamma siusinnerusukkut ilaasortaasimalluni.
Takornariaqarnermut Inuussutissarsiornermullu Siunnersuisoqatigiinni siulittaasuusimasoq siulersuisuni ilaasortaaginnassaaq.