Takornariaqarneq suleqatigiissutigilerpaat
Timmisartuutileqatigiit Air Greenland kiisalu Kalaallit Nunaanni takornariaqarnermut isummersoqatigiiffik GTE, isumaqatigiissuteqarput takornariaqarnerup nittarsaanneqqarnissaanut ukiuni pingasuni suleqatigiinniarlutik.
Allattoq Jokum Nielsen
Thomas Rosenkrands, GTE-mi pisortaq:- Baltimorimit Kalaallit Nunaannut silaannakkut aqqut nutaaq isumaqatigissutsip pingaarnertut nittarsaassinikkut qiterivaa.
Isumaqatigissutilioqataasoq Michael Binzer, Air Greelandnip pisortaa anguniakkamik ersarissumik saqummiussivoq:- 2008-miit 2010-mut Kalaallit Nunaannut USA-mit angalasut ukiumut qulerarterummik amerlinissaat anguniassavarput, taassumalu saniatigut 2008-mi Baltimorip mittarfiani Kalaallit Nunaannut silaannakkut angalasinnaanerup nittarsaassinissaanut aningaasartuutissat avinniarlutigit.