Takornariaqarneq eqqorneqarpoq
Akerliussutsimik takutsitseqattaarnerit kingunerisaannik akersuuttooqartarnerani inuit 300-it missaanniittut toqutaasimapput. Tamannarpiarlu pissutigalugu nunat allamiut Igitsinimi takornariatut tikeraartut angerlakaasimallutik, soorluttaaq angalatitsiviit Igitsinimut timmisartuussinissatik unitsiinnartarsimagaat.
Akerliussutsimik takutitsisut ullumi Hosni Mubarak præsidentitut peersinniarlugu Igitsinimi inatsisartut ataatsimiittarfiannut isaariaq assersoriaraluarpaat, iluatsitsinnginnamilli ataatsimiittarfiup saavani akerliunertik takutinniarlugu nunamut issaaginnarput.
Kairomi katersugaasivik suli matoqqatinneqarpoq takuniarneqarsinnaananilu. Katersugaasivik taanna Tahrirp illoqannginnersaata ungasinngisaaniippoq, tassalu tamanna illoqannginnersaq akerliussutsimik takutitsisunit ullut 16-nissat ungusaaqqavoq, taakkunannga piumasarineqarluni Mubarakip tunuarnissaa.
Kairomi akunnittarfiit nalunaarutigaat inukittunnguullutik inutuannguillu ilaatigut tassaasut tusagassiortut nunat allamiut.
Igitsini takornariartunik millionilikkaanik ukiut tamaasa tikinneqartarpoq. Igitsinip inuttaasa tamarmik arfineq pingajuat takornariaqarnermi sullissisuuvoq, sullissiviillu amerlaqisut takornariaqarnermik nappateqarlutik.
