Takornariaqarneq ataatsimersuassutigineqarpoq

Avannaani takornariaqarneq siuarsarniarlugu ataatsimeersuarneq Ilulissani Hotel Arctic-imi tassuugu aallartissaaq. Destination Disko A/S, illoqarfiit Kangaatsiaq, Qeqertarsuaq, Qasigiannguit, Ilulissat, Aasiaat Uummannallu piginneqataaffigisaat, ataatsimeersuartitsisuuvoq. Aaqqissuisullu isumalluarput.

Ataatsimeersuarnermi anguniarneqartut ilagaat piffissami akunnittarfiit atorneqanngiffiini nutaanik neqeroorusiornissaq, ataqatigiissaarisoq Marie Fleischer nassuiaavoq. Avannaani aasaanerani ukiuuneranilu tikinnerusarput, taamaaligaangallu hotelini unnuisarfinnilu allani init ulikkaartaalersarput. Allaavoq ukiaanerani takornariaqarneq. Aalisarnermik allatulluunniit takornariartitsisinnaanerit ujartorneqassapput, siunertaavorlu nunaqavissut takornarianik sullissisussat pisinnaasatigut aamma qaffassarnissaat.

Unnugu saqqummiusseqqaartuussapput Arctic Umiaq Line-usimasumik ingerlatsisut Arctic Travel Group, sinersortaatit timmisartuaqqallu atorlugit 2006-imi angallassinissamik inissanillu inniminneeriaatsimik eqqartuisussat.

Ataatsimeersuarneq ulluni pingasuni ingerlanneqartussaq inuit 80-t sinneqartut peqataaffigaat.