Takornariap suna toqqutigisimaneraa misissuinermi paasineqanngilaq
- Timimik toqungasumik misissuisartoq Danmarkimeersoq Kangerlussuarmi toqusut inaanni misissuivoq, Lars Grunnetillu oqarnera malillugu sumik pasinarsinnaasumik nassaartoqarani.
Timi toqungasoq politiinit piareersarneqarpoq, politeeqarfiullu pisortaata Lars Grunnetip oqarnera naapertorlugu tamanna "pisariulaarluni".
- Timaa illerfimmik zinkimik aqerlortikkamik pooqartillugu angallanneqassaaq. Taava illerfik zinki karsimut allamut silaannaakkamut tunillannaveersakkamullu poortorneqassaq. Tamatuma saniatigut timip toqungasup USA-mut nassiunnerani pappiaratigut immikkut suliassarpassuit pisariaqarput, Lars Grunnet nassuiaavoq.
- Timinik toqungasunik misissuisartoq isumaqarpoq, amerikamiu 42-nik ukiulik tunillannartunik nappaateqanngitsoq, arnarlu taanna allanik oqaaseqaatissaqanngitsoq, Lars Grunnet oqarpoq.
Amerikamiu takornariaq Kangerlussuarmi suniarsimagaluarnersoq paasissutissanik nutaanik pissarsisoqanngilaq. Lars Grunnet erseqqissaavoq toqusimanera politiit ajutoornermik pissuteqartutut isigigaat.
