Takornarianik angallassisartut aappaagu amigaatigineqalissapput

Nunatsinni takornariat amerliartortilugit takornarianik angallassisartunik aappagumiit amigaateqalissaagut. Angallassisartunik pikkorissartitsinerit ilinniartitsinerillu ingerlanneqarput, inerisarneqartariarpulli nunatsinni takorniarqarnermik inuussutissarsiutitigullu siunnersuisooqatigiinni ineriartortitsinermi pisortaq Hans Peter Poulsen oqarpoq.

Nuna tamakkerlugu, takornarianíllu angallassisartut oqaloqatigisarnerini, suli amigaateqarpugut, ukiormannali takornariat tikittussat angallassisartunit isumaqarneqarsinnaapput. Takornarialli amerliartupiloornerat eqqarsaatigissagutsigu, takornariartitsisarsinnaasunik amigaateqanngaatsiartussaavugut aappagumut.

Maannakkut takornarianik angallassisartussanik ilinniaritsinerit aallartereerput kisianni suli annertusarneqaqqittariaqarput, Hans Peter Poulsen oqarpoq. Namminersornerullutik Oqartussat pilersitsipput, taannallu takornarianik suliaqartunik ataatsimiititaliamik taaguuteqartinneqarpoq, taassumalu qulakkeerniartussaava, pisariaqartitsineq aallaavigalugu pikkorissartitsinerit ingerlaavartussaanerat. Takornarianik sullissisartunngorniaraanni pisariaqarpoq illoqarfiit ataasikkaat ilisimaarinissaat taakkualu oqaluttuassartaat aammalu nunap immikkoortuinik ilisimasaqarnissaq piumasaqaataagajuttarpoq. Sinerissami takornarianik angallassisartunik pisariqartitagut tassaapput, pisuttuartitsinermi illoqarfiup avataani angalaartitsinerni angallassisartut.

Pinngortitamik nuannarisaqarneq takornarianillu angalaartitserusunneq piginnaasariaqarpoq tamakkuuppullu takornarianik angallassisartunut piumasaqaataarsartussat

Nunatsinni Takorniarqarnermik Inuussutissarsiutitigullu Siunnersuisooqatigiinni Ineriartortitsinermi pisortaq Hans Peter Poulsen oqarpoq.