ASSIT Takornarialerisut nersornaaserneqartut

Kalaallit Nunaanni takornarialerineq pillugu ataatsimeersuarneq Towards More Tourism Nuummi ingerlanneqaqqammerpoq.
Allattoq Mette Wallach
novembarip 09-at 2018 09:04
Nutserisoq Mads Lynge

Kalaallit Nunaanni takornariaqarneq pillugu ataatsimeersuarnerit annersaata aaqqissorneranut ilanngullugu Visit Greenlandip Air Greenlandillu nersornaat Greenland Tourism Awards 2018 pilersippaat.

AAMMA ATUARUK Siunissami takorniarialerisarnissaq sukumiisumik piareersarneqarli

Isumassarsiamik ineriartortitsinermi neriniartarfimmik Kalaaliaqqamik aallarniisoq, Inunnguaq Hegelund nersornaaserneqarpoq.  Neriniartarfimmi nerisassioriaatsit nutaat ileqqutoqallu naapertorlugit nerisassiat sassaalliutigineqartarput.
 
Avatangiisimut innarliinnginnissamut nersornaat Greenland Outdoorsimeersumut Jens Pavia Brandtimut tunniunneqarpoq. Pinngortitap illersornissaanut kalaallillu pinngortitamik atorluaariaasaat ataqqillugit Greenland Outdoors suliaqartarpoq.
 
Nersornaatip pingaarnersaanik Blue Ice Explorerimeersoq, Jacky Simoud nersornaaserneqarpoq.
Suliffeqarfiup alutorsaatigineqarsinnaasut soorlu nallunnerit, pisuttuarnerit, qallunaatsiaat illukuinut tarkonariartitsinerit kiisalu kujataani nunaqarfinnut nersutaateqarfinnullu angalanerit aaqqissuulluakkamik isumagisarpai.