Tajarutit pillugit atuakkiaq saqqummersinneqarpoq

Tajarutinik nuersaaneq pillugu atuakkiortoq Lis Stender tajarutit qanoq suliarineqartarneranik danskisut atuakkamik piumaneqarluartumik saqqummersitsinermi kingorna oqaatsinut suli assigiinngitsunut pingasunut atuakkiani `Tajarutit` kalaallisut tuluttut franskisullu nutsertissimallugu maanna naammassivaa.

Sinerissami najugallit atuagaq sapaatip akunneri marluk qaangiuppata pisiniarfinni pisiarisinnaalissavaat.

Nuummili atuagaarniarfinni pisiarineqarsinnaalereerpoq.

Tajarutit sapannganik qalipaatinillu allalersorlugit nuersarneqartarputrput, isumaqarpunga tamanna alutornarlunilu soqutiginnilersitsisoq, tajarutit pillugit atuakkamik saqqummersitsisoq, Lis Stender, oqarpoq, nangillunilu:

- Tajarutit piffinni allani soqutigineqarput. Nunanili allani takunikuunngilakka. chilimiut, franskit canadamiullu tajarutinut qalipaatigissaartunut soqutiginnipput kajumissaarneqartariaqarlutillu.

Inuit amerlanerit namminneq tajarutit suliarinissaat ilikkarniassammassuk atuakkamik ilisserutilimmik saqqummersitsivunga, Lis Stender oqarpoq.

Lis Stender aperaarput ilisserutinik sooq saqqummersitsisariaqarsimanersoq, imalu akivoq:

- Isumaqarama kinguaariit tullii kalaallisuunik sananissaminnut soqutiginnittut.

Lis Stender aperaarput paffequtit Chilemi qaqugu pisiarineqarsinnaalissanersut, akivorlu tajarutit piumaneqarneri apeqqutaallutik atuagaq spanskisut tyskisullu saqqummersinneqarsinnaajumaartoq.