Taiwanimiut timmisartuat ilaasartaat ullaaq nakkarpoq

Taiwanimiut timmisartuat ilaasartaat 58-nik ilaasoqarluni ullaaq nakkarmat 31-it ajunaarput.
februaarip 04-at 2015 18:58

Taiwanimiut timmisartuat ilaasartaat 58-nik ilaasoqarluni ullaaq nakkarmat 31-it ajunaarput. Timmisartoq Taiwanimi illoqarfiit pingaarsaani Tapeimi kuummut nakkarpoq.

Timmisartup nakkarnissaa sioqqutilaarlugu aquttarfimmit ajunaalernermi kalerrisaarut nassiunneqarpoq tassalu mayday mayday timmisartup mutooria ingerlanngilaq, Taipeip mittarfiani timmisartunik mittunik aallartunillu nakkutiginniffimmit nalunaarutigineqapoq. Timmisartoq qangattaqqammerluni nakkarpoq.

Tupinnaannartumik timmisartumut ilaasut 16-it annapput, aqqaneq marluk ujaarineqarlutik.

Taiwanimiut timmisartuat timmisartortitseqatigiiffiup TransAsia Airwaysip timmisartuutaa Taipeimit qeqertarmut Kinemenimut aallaraluarluni nakkarpoq, qeqertaq taannna taiwnip ikerasaaniippoq Kinamut qaniattumi.

Timmisartumut ilaasut amerlanersaat kinamiuupput takornariat.

Timmisartortitseqatigiiffiup TransAsia Airwaysip timmisartua alla siorna Taiwanip kitaanut nakkarmat ilaasut 47-it ajunaarput.

Timmisartup nakkarnerani video uani takusinnaavat.