Taiwanimi ajunaarsorisaagaluit ajunngitsut nassaarineqarput
Marrarmik Taiwanimi sisoortoqallarmat inuit 700-t ajunaarsimassangatinneqaraluartut ajunngitsut nassaarineqarput.
aggustip 12-at 2009 08:05
Taiwanimi sakkutuut oqaaseqartartuat, annaassiniarnermi peqataasoq, taama ilisimatitsivoq. Taiwanip kujasissuani nunaannarmi illoqarfimmi, Hsiao Lin-imi, marraap sisoorujussuarneranit angerlarsimaffitik matoorneqartinnagit inuppassuit taakku imminnut annaanniarlutik qatsissumukarsimapput.
Kiattup anorersuata, tassa tyfonip, Taiwan aqqusaalutorimmagu sialussuarujussualerpoq. Taamaammat qeqertami sumiiffinni arlalinni marraq sisoorujussuarpoq, kuuit qarsutserujussuarlutik, nunaatit qarsutsiterneqarput allaammi akunnittarfik arfinilinnik quleriilik kuummut kuugussaavoq.
Kiattup anorersuata Morakotip atuunnerani inuit hornorujunit amerlanerit ulluni kingullerni marlussunni ajunaarput. Inuit 61-it Taiwanimi suli maqaasineqarput.
