Tage Frederiksen Nanortalimmi borgmesterinngussaaq
Nanortalimmi borgmesterinngorpoq Siumut sinnerlugu Tage Frederiksen, taanna qinersinermi taaguunneqarnerpaavoq, 181-inik taaneqarluni. Tage Frederiksenip taarserpaa Siumut sinnerlugu manna tikillugu borgmesteriusimasoq qinigassanngorteqqinngitsorlu Nikolaj Ludvigsen.
Atassut Demokraatillu isumaqatigiissuteqarfiginerisigut Tage Frederiksenip borgmesterinngornissaa ullumi anguneqarpoq. Nanortalimmi Demokraatit Atassullu suleqatigissallugit aamma atsiorqatigiissuteqarsimallutik Tage Frederiksen oqarpoq. Borgmesterimut tullinngorpoq Atassummeersoq Thomas Ezekiassen borgmesterip tulliata aappatut inissippoq Peter Borg- Dermokraatit sinnerlugit qinigaasoq.
IA-kkut saaffiginnissimanngimmata suleqatissarsiorneq Siumup Atassutip Demokraatillu akornanni ingerlanneqarsimasoq, Tage Frederiksen oqarpoq.
- radiukkut tusarparput IA-kkut borgmesterinngortitsinialersaartut, ilisimatinneqannginnattalu iluarinagu isumaqatigiinniarnerni IA-kkut ilaatinneqanngilat, Tage Frederiksen oqarpoq.
- Tamannali uniffiginagu IA-kkut ataatsimiititaliani ilaasortaaffinnik neqeroorfiginiarpagut, pingaartikkatsigu kommunalbestyrelse nutaaq tamarmiulluni suleqatigiittariaqartoq, Tage Frederiksen erseqqissaavoq.
Nanoratalimmi ipaassaq qinersinermi Atassut ataatsimik, Demokraatit ataatsimik, Siumut sisamanik iA-lu pingasunik kiisalu attaviitsoq ataaseq kommunemut iserput.
