Taekwondortartut Sisimiuni pissartanngorniupput

Allattoq Mads Lynge
oktobarip 29-at 2006 14:14

Nunatsinni taekwondo-rtartut Sisimiuni maanna pissartanngorniutileruttorput.

Sapaatip akunnerata naanerani ullaamiit unnnukkumut taekwondortartut unammipput – finalit 36-t naammassineqassammata.

Pissartanngorniunnerni klubbit qulingiluat peqataapput, finalillu pissanganassaqaat.

Maniitsormiut 16-it finalinut anngussimapput, Sisimiut Nuullu tamarmik immikkut aqqaneq-marlunnik peqataatitaqassallutik. Qaqortormiut aqqanillit, Kangaammiuniillu sisamat finalinut anngussimapput. Narsaq, Nanortalik Aasiaallu tamarmik immikkut marlunnik peqataatitaqarput, Qasigiannguaniillu ataaseq peqataalluni.

Isiginnaariat imaaginnavissimapput, naallu unamminerit ilaat sakkortusimagaluaqisut annertunerusumik ajoqusertoqarsimanngilaq.

Pissartanngorniunnerit naggataarnersiorneqalerpata nunatsinni ilisimaneqarluartoq puttutissaaq, Kaalisaaq oqaluttuassanik ulikkaarluniaasiit aliikkusersuisussaammat.