Taekwondortartut Norgimi pissartanngorniutissapput
Nunat Avannarliit Taekwondomik pissartanngorniunnissaanni Kalaallit Nunaat ukioq manna kingumut peqataatitaqassaaq.
Allattoq Louise M. Kleemann
Taekwondortartut 17-it Norgimukassapput. Ukioq manna peqataasussat siornamut naleqqiullugu ikinnerulaarput, taamaattorli medaljannattussat siornatulli amerlatiginissaat Kalaallit Nunaanni Taekwondortartut Kattuffiata qularutiginngilaa.
Kuultit 17-it, sølvit 15-it bronzillu 14-it siorna pissarsiarineqarput.
Aqqanilinnik ukiulik, Sara Lennert Jensen, Nunat Avannarliit pissartanngorniunnissaanni nukarlersaassaaq.