Taekwondorlutik nunarsuaq tamakkerlugu pissartanngorniuttut kuultinnanngitsoorput
Taamaattoq arfineq-marlunnik ujaminnapput, sølvit marluk bronzillu tallimat.
- Nunarsuaq tamakkerlugu uani pissartanngorniuttoqarnerani assigiinngitsunik misigisaqaqaagut, nunanut allanut unammisartut sungiusaasuat, Lauritz Heilmann, tusagassiuutinut allappoq.
- Ukioq manna kuultinnanngitsoorpugut, taamaakkaluartoq nunarsuaq tamakkerlugu siusinnerusukkut pissartanngorniuttarnerni peqataaffigisartakkatsinniit timersuutitsinni siuariaallaqaagut, tamannalu tulluusimaarnarpoq, Lauritz Heilmann nangilluni allappoq.
Nuka Kleemann, Kalaallit Nunaanni Taekwon-Dortartut siusinnerusukkut siulittaasuat, aamma oqarpoq, nunarsuaq tamakkerlugu pissartanngorniuttarnermi angusat qaffariarsimaqisut.
- Tamanna nuannerpoq, kisianni tulliani pissartanngoriunnissami kalaallinut Taekwon-Dortartunut peqataasussanut piumasaqaatit aamma annertusissapput, Nuka Kleemann oqarpoq.
