Taekwon-dortartut angusarissaartut
Timersornikkut angusat pitsaasut oqaluttuaralugit naggataaruteqassaagut.
Allattoq Elisa Isaksen
Tassa kalaallit taekwon-dortartut inuusuttuaqqat utoqqasaallu Uzbeskistanimi nunarsuaq tamakkerlugu unammersuarnerni peqataasut arlalinnik kuultinnassimagamik.
Kingulliullutik utoqqasaat holdfrikampimi kuultinnassimapput.
Kalaallit taekwondomi nunanut allanut unammisartui katillugit 18-inik medaaliannassimapput, taamaalillutillu aatsaat taamak angusarissaartigalutik.
Inuusuttuaqqat utoqqasaallu nunarsuarmi pissartanngorniunnissaat tulliuttoq 2010-mi Slovakiami ingerlanneqassaaq.
Tamanna pitinnagu ukiormanna oktobari naalerpat Qaqortumi GM-ertoqassaaq.