Tae Kwon Dortartut Skotlandilialerput

februaarip 14-at 2007 06:24

Nunatsinni Tae Kwon Dortartut nunanut allanut unammisartui Skotlandiliartussanngorput, tassani

Tae Kwon Domik ilisimatuup Professor Chang Ung Cupimik taallugu nunanit tamalaaneersut unammiuaaqatigiinnissaannut peqataajartorlutik.

Professor Chang Ung Cup, qernertumik qiterutiliinnarnut, februaarip ulluisa 17-ianni 18-iannilu unammissutigineqassaaq, nunarpullu sinnerlugu peqataasussat tassaapput, juniorini unammisartoq, Steen Rasmussen, seniorinilu unammisartut marluk; Johan Peter Halsøe, aamma Team Grønlandimit tapersersorneqartoq, Peter Sarkov.

Kalaallit Skotlandimi unammeqattaareerrunik nunat avannarliit pissartanngorniunnerannut peqataajartussapput, taavalu apriilimi nunarsuarmi pissartanngorniuttoqalerpat aamma peqataatitaqartussaallutik.

Nunatta saniatigut Bulgarien, Holland, Tjekkiet, Italien, Irland aamma Tuluit Nunaat Professor Chang Ung Cupimut peqataatitaqassapput.