Tul-imi imminullu illersornermi unammisoqarmat Kalaallit Nunaat ataatsimik kuultinnappoq tallimanillu bronzinnalluni, taama unnersiorput Tae kwon Dortartut kattuffianneersut, Kim Rosing aamma Lauritz Heilmann.
Tul-imi Kalaallit Nunaanniit kuultinnattoq siulleq tassaavoq Lauritz Heilmann, bronzinnappullu Tina Nikodemussen aamma Steen Rasmussen.
Imminut illersorluni unamminerni bronzinnattut tassaapput Johan Peter Halsøe, Angula Kielsen, Lars Sørensen aamma Qillaq Kielsen.
Tae kwon Dorluni Europami pissartanngorniunnerni, Sloveniami ingerlanneqartuni, frikamp ullumikkut unammissutigineqassaaq.