Tae-Kwon Domi unammisartut marlunnik bronzinnapput
Kalaallit Tae Kwon-Domi unammisartui Czec Openimi sapaatip akunnerata naanerani peqataanerminni marlunnik bronzinnapput.
Allattoq Louise M. Kleemann
februaarip 15-at 2010 05:39
- Unammisavut arlallit pikkoreqaat, taamaattumik unammiartortut arfinillit akornanni marluk medaljannannerat kalaallit unammisartuisa pikkorissusaannik ersersitsivoq, nunatsinnut sungiusaasoq Lauritz Heilmann Sermitsiamut oqarpoq.
Peqataasut arfinillit Europami unammersuarnissamut Italiap kujataani Barlettami marsip qulinganiit 14-ianut pisussamut, Tjekkiami unammineq piareersaatitut atorpaat.
