Danmarkimi nukittuneqqusaanneq DFSA Max Power sapaatip akunnerata naanerani ingerlanneqarpoq. 105 kiilu ataallugu oqimaasusillit nukittuneqqusaammata, nunatsinniit peqataasoq Taatsiaq Gabrielsen Danmarkimi rekordtiliivoq. Taassumammi 380 kilo kivippaa.

Taatsiaq Gabrielsen 380 kiilu kivillugu Danmarkimi rekordiliisoq

Danmarkimi arfininngormat nukittuneqqusaattoqarmat kalaallip 380 kiilukivikkamiuk pissartanngorlunilu rekordtiliivoq.

- Danmarkimi taakkua kivitsisinnaasut tamaviisa qaangerlugit kivitsinikuugama tulluusimaarnarpoq, Taatsiaq Gabrielsen KNR-imut oqarpoq.

Danmarkimi nukittuneqqusaanneq DFSA Max Power sapaatip akunnerata naanerani Svendborgimi ingerlanneqarpoq.

105 kiilu ataallugu oqimaasusillit nukittuneqqusaammata, nunatsinniit peqataasoq Taatsiaq Gabrielsen Danmarkimi rekordtiliivoq. Taassumami 380 kiilukivippaa.

- Nuanneq, aamma ilaqutakka tamarmik taakkaniikamik tapersersoraminnga takutitisilluarlungalu nuannaaqaanga.

Taatsiaq Gabrielsen nunatsinni nukittuneqqusaanneq Ilulissani ingerlanneqarmat 375 kiilut kivikkamigit nunatsinni aamma pissartaavoq. Taannalu aamma sungiusartarsimaqaaq.

AAMMA ATUARUK Iluliarmiu Juulunnguaq Vetterlain nunatsinni nukittunerpaanngortoq

- Unammiartunngilaataa træneritaarnikuuvunga, taava Ilulissani nukittuneqqusaannermi ilaaqqammerlunga træneritaarama sungiusarnikuuvunga qanoq piareersassanersunga, qanoq kivitsissanerlunga, Taatsiaq Gabrielsen oqarpoq.

Danmarkimullu nukittuneqqusaannermi peqataanissaminut piareersarsimavoq.

- Tassa tamaviaarniarlunga eqqarsarnikuuvunga, tamaviaartussaareeramami.

Sungiusartarninilu suli aallutissallugu massakkullu teknikkigissaaruni kivissinnaasani annertunerulernissai ilimagisinnaavaa.

Taassuma sungiusaasoqalernini isumalluarfigilluarpaa, sungiusaasuatami kiilut qassit kivissanerai aalajangiunnikuugai tamannalu iluaqutaasoq imminullu tatiginerulersitsisoq, Taatsiaq Gabrielsenip aamma oqaatigaa.

Taatsiaq rekordileereeraluarluni suli oqimaannerusunik kivitsisalernissaminut sungiusarniarpoq, rekordinilu qaangeqqissinnaasallugu qularutiginnginnerarpaa.

- Taanna pilersaarutigaara kivitsinerusinnaanissara kiilora tassaniiginnaraluartoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl