Taasinernik kisitsineq naammassiaassangatippaa
Nunatsinni qinersiviit aqagu ullaakkut nal. 9.00 ammassapput.
Qinersiviit krydsilersugassaanngillat, qangatulli ittuupput, qinerumasap atia erseqqissumik allanneqassalluni imaluunniit partiip qinerumasap taaguutaa allanneqassalluni. Kisianni Kattusseqatigiit partiitut taaginnarneqarsinnaanngillat partiiunngimmata.
Qinersisinnaasut 18-leereersimasuussapput, nunatsinnilu innuttaassuseqassallutik. Aamma nunatsinni sivikinnerpaamik ulluni 18-ni najugaqarsimanissaat piumasarineqartarpoq.
Nummi qinersisitsisartup Franklin Høegh-Olsen-ip ilimagaa qinersinerup inernera kommunalbestyrelsinut inatsisartunullu qinersinernut naleqqiullugu sukkanerusumik naammassissasoq, qinigassanngortittut 16-iinnaanerat pissutigalugu. Unnukkut nal. qulinnguinnartoq naatsorsuinerit naammassineqareersimassangatippai.