Taasiartortut ikippallaarpata inatsit allanngortinneqarsinnaanngilaq
Danmarkimi kunnginngortitsisarnermi naligiissitaanissamut atatillugu inatsit pillugu sapaatiuppat juunip arfineq-aappaanni Nunatsinni aamma taasisussaavugut, inatsillu pisortatigoortumik akuerineqassappat innuttaasut ikinnerpaamik 40 procentii taasiartortariaqassapput, siunnersuummullu akuersaassaallutik. Tunngaviusumik inatsit naapertorlugu tamanna piumasaqaataavoq.
Allattoq Mads Lynge
Tamannali ajornakusoorsinnaassaaq. Inunnimmi isumasiuinerit takutippaat innuttaasut 36 procentii taasiartussamaartut. Aviisip Politikenip tamanna allaaseraa.
Kunnginngortussaanermut inatsisip allanngortinneqarnissaa innuttaasuni amerlanerussuteqartut isumaqatigigaluaraat taasiartorniartut ikippallaariataannaapput, siunnersuullu qatangiinnartinneqarsinnaalluni.
Innuttaasut 74 procentii allannguinissamik tapersersuigaluarput, pissanganassaarlu taasineq qanoq inerneqarumaarnersoq.