Taasiartortoqarluarnissaa ilimagineqarpoq
Nuummi taasisitsinermi pisortaq, Poul Christensen ullup qeqqanut oqaloqatigigatsinni oqarpoq manna tikillugu taasisinnaasut 16 procentii taasiartorsimasut.
Upernaaq kommuninut qinersineq sanilliutissagaanni taamani ullup qeqqanut taasisartut 10 procentii taasiartorsimapput, taamaalilluni ullumi taasiartortoqarluarnissaa ilimagineqarsinnaavoq.
Illoqqortoormiuni taasisitsineq, kitaani nalunaaqutaq arfineq marlunngortoq aallartippoq, taavanilu taasisitsinermi pisortaq, Simon Kunnak oqarpoq ullup qeqqanut taasisinnaasut 48 procentii taasiartoreersimasut, tassa taasisinnaasut affangajaat. Taamaalilluni aamma Illoqqortoormiuni taasiartortoqarluarnissaa ilimanarpoq.