Taarsiisoqartariaqarpoq
- Taamatut aalisarnermik aasarisseruttornerani unitsissisoqassappat aalisartut annaasaqaatissaminnik allatut ajornartumik taarsiiffingitinneqartariaqassapput, taama ilaatigut allalluni Kale Mølgaard saattuarniarnerup unitsinneqarnissaanut akerliunerminik tusagassiorfinnut nalunaaruteqarpoq.
Kale Mølgaard isumaqarpoq aalisartunit isumaqasioqatigiinnermi peqataasunit imartat saattussanik aqitsunik qaleruaqarfiusut taamaallaat mattussiffigineqartussasut piumasaqaataaffiummata imaanngitsoq sineriak tamakkerlugu mattussisoqartassasoq.
Erseqqissarneqarsimavoq Kangaatsiamiit Qeqertarsuatsiaq Aasiaat kujataa’tungaaniittoq tikillugu unitsitsinissaq piumasarineqarsimasoq.
Saattussanik aalisaqatigiit Nukik Seafood Kale Mølgaard-imut tapersiipput. Petrus Biilmann Nukik Seafood-imi pisortaq ilaatigut allappoq pisortaqarfik eqqunngitsumik tunngaveqarluni matusigallartoq saattussarniarneq sineriak tamaat mattunneqarmat saattussat qaleruamikkut piffinniit piffinnut assigiinngiiaartumik qaleruamikkut aqilisaraluartut.
