Assi: 55Laney69/Flickr

Atornerlunneqarnikoq: Taamani isertuukkusunnerunikuuara

Nunatsinni meeqqanik inuusuttuaqqanillu kinguaassiutitigut atornerluisarneq akiorniarlugu Nakuusap suliniutaa "Ullut Tamaasa" tv-kkut radiokkullu aallakaatinneqaleruttorpoq. Eqqugaasimasut ilaat oqaloqatigaarput.

Henrik Thomsen meerannguulluni kinguaassiutitigut atornerlunneqaqqaarpoq.

Pisorlu isertuussimavaa.

AAMMA ATUARUK Nakuusa kinguaassiutitigut atornerluisarneq akiorniarlugu suliniummik saqqummersitsisoq

Henrik Thomsen qulingiliuanik ukioqarluni angummit kinguaassiutitigut atornerlunneqaqqaarpoq.

- Atornerlunneqarnera pillugu ikioqqunngilanga. Aallaaqqaammut nalugaluarakku

qanoq pissusissamisuunngitsigisoq. Oqarfigisarpaangami uagut isertugaatigigipput.

Kingornalu Henrik Thomsenip atornerlunneqarnini pissusissamisoortuunngitsoq paasileramiuk kanngusulluni misigisimalerpoq.

- Kanngusunnera pissutigalugu ikioqqusimanngilanga. Imminut kanngusuutigisimaqaanga. Taamaattumik taamani puiguinnarusunneruara eqqartorusunnagulu.

-Taamani sumut saaffiginnissanerlunga naluara. Isumaqarsimavunga kisima taamatut misigisaqarsimallunga. Isumaqarsimavunga ajornartorsiummut uunga tunngatillugu ikiorneqarsinnaananga.

Henrik Thomsenip qulingiluanik ukioqarnerminiit aqqanilinnik ukioqalernissami tungaanut ilaquttami qanigisaanit kinguaassiutitigut atornerlunneqartarpoq. Atuarfimmini allat peqatigalugit uffarnissani kanngusuutigisaleramiuk eqaarsaariaqataasarunnaarpoq .

-Eqaarsaariartannginnera pillugu ilinniartitsisuma ilaasa kamaattarpaannga. Kisianni eqqarsaatigeqqeriarakku; aperinngisaannarpaanga sooq. Naveersittarpungali naak taamaaliornissara saperiga.

Henrik Thomsen 24-inik ukioqarluni isertuussarinikuusani siullerpaamik oqaluttuaraa. Taamani politeeqarfimmut unnerluummik tunniussivoq.

Maanna 31-inik ukioqarpoq.

- Taamani atornerlunneqarnerma nalaani ilisimasimasuugukku ajortuliorfigigaanga taava imaassinnaavoq taamani iliuuseqarfigisimasinnaassagaluariga. Kisianni meeraalluni ajornartorujussuuvoq, Henrik Thomsen qulingiliuanik ukioqarluni angummit kinguaassiutitigut atornerlunneqaqqaarsimasoq taama oqarpoq.

AAMMA ATUARUK Ullut Tamaasa - meeraq naalaaruk

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat