Taamaattumik nersornaasiinermut innersuunneqarpoq

Mâgssánguaq Qujaukitsup taallanik atuakkiaa "Sisamanik teqeqqulik", oqaatsinik atuillaqqissusermik taallanngortitsisinnaanermillu takutitsinerusoq atuakkiortut peqatigiiffiata nalilerpaa, tamannalu tunngavigalugu nunat avannarliit atuakkiortunut nersornaasiuttagaannut innersuunneqarpoq.
Allattoq Louise M. Kleemann
decembarip 02-at 2008 11:59

Kalaallit Atuakkiortut peqatigiiffianni innersuussisimaneq pillugu siulittaasoq Hans Anthon Lynge ima oqarpoq:

- Atuakkat ukiuni marlunni kingullerni saqqummersimasut akornanni innersuussassatut eqqarsaatit arlaqalaarsimapput. Mâgssánguullu saqqummersitaa minnerunngitsumik kalaallit oqaasinik atuillaqqinnera tunngavigalugu toqqarparput, oqarpoq.

Taanna aamma oqarpoq, Mâgssánguaq Qujaukitsup taalliaasa nunani avannarlerni oqaatsit atorlugit saqqummersinnissaat sulissutigineqalersoq.

Nunani Avannarlerni atuakkiaq sorleq nersornaasigaassanersoq 2009-mi oktobari naalerpat tamanut nalunaarutigineqassaaq.

Atuagaq inughuartut, kitaamiusut, danskisut tuluttullu taallianik imaqarpoq.

Mâgssánguaq Qujaukitsoq taallianik atuakkanut marlunnut naammattunik maannamut allagaqareersimanerarpoq, oqaluttualiamillu allalluni aallartereersimalluni. Taamaammat saqqummersitseqqinnissani ilimagineqarsinnaasoraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq