Assi: Jørgen Brandt-Klemensen

Taamaatiinnartoqartaraluartoq nasartaartut amerliartorput

Ilinniartut nunatsinni ilinniarnertuunngorniarfinni aallartittut affaannaat ilinniarnertuutut nasartaartarput. Ilinniartitaanermut, Kultureqarnermut Ilageeqarnermullu Naalakkersuisoqarfimmiit kisitsisit taama takutitsipput. Taamaakkaluartoq ilinniarnertuut siornatigornit amerlanerupput.

Ilinniarnertuunngorniat klassianni 20-ugaangata qulit missaat 3. g-mi naammassinermi misilitsitsinnatik taamaatereersimassapput. Ilinniartitaanermut, Kultureqarnermut Ilageeqarnermullu Naalakkersuisoqarfimmit naatsorsuinerit kingulliit tamanna takutippaat.

2016-imi taamaalilluni ilinniarnertuunngorniartut 52 procentiinnaat naammassinnipput, naammassisullu procentinngorneri 2012-imit taamaaginnapajaarsimapput.

AAMMA ATUARUK Najugaqarfinni perorsaasut GU-rtut ulluinnaat oqinnerulersikkaat

Tamannali ilumoortumut tamarmut ersiutaanngilaq. Tassami amerlanerujartuinnartut ilinniarnertuunngorniarlutik aallartittarput. Ilinniarnertuunngorniarlutik aallartittut 2006-imiilli 56 procentinik amerlisimapput.

Tassalu affaannaat ilinniarnertuunngortaraluartut, 2016-imi ilinniarnertuunngortut 2006-imi naammassisunit 181-inik amerlanerupput. Naatsorsueqqissaartarfiup kisitsisaatai taama ersersitsipput.

AAMMA ATUARUK Forskellige baggrunde kan skabe mistrivsel

Tassalu kalaallit ilinniarnertuunngortartut kisitsisinngoraanni amerliartuinnarput.

Taamaatiinnartut procentinngornerat nikinngikkaluartoq, amerlanerit nasartaarnerat, ilinniartitaanermut, kultureqarnermut ilageeqarnermullu naalakkersuisup, Ane Lone Baggerip, iluatsilluarnertut taavaa.

 

AAMMA ATUARUK Ilinniarnertuunngorniarfiit iluatsippat imaluunniit iluatsinngitsoorpat?

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat