Taamaatiinnaartut ikilimmata kollegiani inissat amigaataalerput
Aasianni GU inissaaleqissussilluni qangali nalunaareerpoq. Tassami atuarneq aggustimi aallartippat kollegiani inissat 20-it amingaataassapput.
Aamma Nunatsinni iliniarfiit annersaanni, Sisimiuniittumi Sanaartornermik Ilinniarfimmi, ilinnialersussarpassuit inissaaleqissunneqarput.
Unammilligassat taakkuupput. Taamaatiinnartut ikiliartortut ilinniarlersussallu amerliartortut. Ilinniartut 220-it assassornermik ilinniagaqarlutik aallartissapput. Aamma HTX-imik taallugu ilinniarnertuunngorniarlutik aallartittussat inissaqartinneqartussaapput. Taavalu aamma Ilinniarnertuunngorniarfinni ilassutitut pikkorissalersussat 30-it inissaqartinneqartussaallutik, sorluttaaq 16-it issittumi ingeniørinngorniarlutik qinnuteqarsimasut. Taakkua saniatigut aatsitassanik qillerinermik tunngaviusumik ilinniartussat 14-it aggustip naalernerani aamma aallartissapput.
Kisianni tamakkua tamarmik kinguneraat, Sanaartornermik Ilinniarfiup, kollegiani ininik 259-inik ilinniartunullu inissianik 14-inik peqartup, ilinniartut 50-it missaasa inissaannik amingaateqalermat. Aamma inerneraa, kollegiani inini arlarlinni siniffiit aapperneqartariaqarnerat, taamaalillutik ilinniartut ilaat piffissap ilaani marlukkaallutik ineqatigiittariaqarnerat. Kisianni Sanaartornrrmik Ilinniarfik INI A/S ininik atorniarfigigaa, tusarfigut oqarput. Kisianni aamma tusarfiit ilaat oqarput, inissiat atorneqanngitsut takussaanngeqisut.
Qaqortumi Niuernermik Ilinniarfimmi pisortaq, Torben Hansen, aamma assingusumik oqaluppoq. Taamaatiinartut ikilineri nuannaarutissaagaluaqisut, kisianni ilinniarfiup kollegiani inissaatai130-it naammakkunnaarut, oqarpoq. Taassumalu naatsorsuutigaa, ilinniartut 200-it missaanniittut ukiaru aallartippata, ininik 40-inik pisariaqartitsissalluni.
- Taamaammat naammattusaariniartariaqassaagut. Ilinniartut ilaat vandrehjemmemut immaqalu aamma unmiartortut angerlarsimaffianut inissillugit, kiisalu atuartut ilaat ininik marlukkaartillugit najugaqartittariaqassavavut, Torben Hansen oqarpoq, nassuerutigalugu, inuusuttunut aallarterlaanut atugassaat pitsaanerpaanngitsut.
- Igammik iliniartitasanerup iluani ukiorpassuarni pisut pitsaanersaat, tassalu taamaatiinnartut ikiliartuinnarnerat iluatigissagaanni, Torben Hansen oqarpoq.
Qaqortumi Niuernermik Ilinniarfimmi ilinnnarnertuunngorniarluni ilinniakkat ilaanni HHX-ertut 40-it ukiamiit aallartissapput, takornariaqarnermi aningaasarsiornermik ilinniagaqartut qulit septembarimi aammalrtissallutik, kiisalu tunngaviusumik niuernermik ilinniartut 60-it aallartissallutik.
