Marianne Petersen aamma Gertrud Kleinschmidt inuunertik naallugu mersornermik ammerinermik ilinniartitsinermillu suliaqarsimasunit atuakkami ilitsersuisuupput. Kalaallisuut immikkuualuttortaat erseqqissumik paasiuminartumillu qanoq suliarineqarnissaat oqaluttuarineqarput, uuttortaanissamullu qanoq iliornissanik ilitsersuussilluni.
Atuagaq mersornermik soqutigisalinnit atorneqartussatut suliarineqarpoq. Atuisussatut nalinginnaanerpaatut eqqarsaatigineqarput meeqqat atuarfii,ilinniarfiit assigiinngitsut, efterskolit, højskolit, unnukkut atuartitsinerit, mersortarfiit aammalu inuit ataasiakkaat namminneerlutik kalaallisuuliornermik ingerlatserusuttut.
Atuagaq qaammatip tulliani juunip ulluisa 19-ianni saqqummersinneqassaaq, atuakkanik saqqumersitsivik Atuakkiorfik aqqutigalugu.