Taalliullaqqinnerulernissanut periarfissaqalerputit
Taakku ilagaat Georg Olsen, nunatsinni nipilersornikkut ukiorpassuarni siuttuusimasut ilaat. Taassumalu soqutiginnittut maanna periarfissippai, taallamik pitsaasumik qanoq suliaqartoqarsinnaanersoq takutissallugu.
Peqataasut sakkussanik arlariinnik pissarsissapput, taalliortutut isumassarsiorfigineqarsinnaasunik piginnaasatigullu ineriartorfiusinnaasunik. Pikkorissaanermi nassaassarsiullaqqissuseq immikkut sammineqassaaq, peqataasullu aamma oqaasilerinermik takorluuisinnaassutsimillu aamma misileraatinneqassapput. Taamaammat nassaassarsiullaqqissuseq, quianartuliorsinnaaneq, inuunermi misilittakkat malugisaatillu aamma pisariaqartinneqassapput.
Pikkorissaaneq Nuummi NUIF-imi 30/7-mit 1/8-mut ingerlanneqassaaq. Peqataanissamut kingusinnerpaamik nalunaartoqarsinnaavoq juunip 26-iani, ulum@sermersooq.gl-mullu nalunaartoqassaaq.
