Taalliornermik pikorissassapput

Inuusuttut taalliornermik soqutigisallit saqqummersitserusussinnaasullu katerinnissamut minnerunngitsumillu pikkorissarnissamut periarfissinneqalerput. Kalaallit Atuakkiortut aaqqissuisoralugit taalliorneq pillugu ulluni pingasuni festivalertitsisoqalerpoq Nuummi novemberip 12-anniit.

Allannermut sullivimmik aaqqissuisoqassaaq, inuusuttut soqutiginnittut periutsinik ilinniarnissamut periarfissinneqassallutik, saqqummersitsinissamut iluaqutigisinnaasaannik.

- Inuusuttut saqquminerulernissaat anguniarlugu aaqqissuussivugut, atuakkiortut siulittaasuat Aqqaluk Lynge oqarpoq.

Taalliortartut akunnerminni saqqummiussisassapput, allataminnik atuaasassallutik oqallittassallutillu, aammali tamanut ammasunik unnukkut atuffassisoqartassalluni.

Nunat avannarliit killiit atuakkiortunik nutaanik aappaagu soqutiginarsaallutik suliniuteqarnissaannut atatillugu taalliorneq pillugu nunatsinni novemberimi festivalertitsisoqassaaq. Savalimmiuni, Islandimi nunatsinnilu kulturikkut naalakkersuisut atuakkiorneq immikkut aappaagu suliniutigisassatut aalajangiussimavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat