Taaguutit kalaallisuut IT-mi atugassat pilersinniarneqalerput
Oqaasiliortut, Kimik IT, aamma Microsoft taaguutinik IT-mi atugassanik, tuluttuujunatillu, qallunaatuujunatillu kalaallisuujusunik pilersitsiniarlutik maanna suleqatigiilerput.
Nittartagaq inuiaqatigiit iluanni taaguusersuusioqatigiinnermik taaneqartartoq, Microsoftip aallarnisarlugulu suleqatigiinnermut matumunnga tapiissutigisimavaa. Inuiaqatigiit kalaallit akunnerminni IT-mik taaguusersuusiorsiornissamut sunniuteqaqataanissamik taanna aqqutigalugu periarfissaqalerput.
Microsoftip nittartagaani databasemi oqaatsit taaguutillu 2000-nit amerlanerusut ammarneqassapput, tassungalu iseraanni qaammatini tulliuttuni taaguutit tamakku kalaallisut qanoq taaguuteqalersinnaanersut siunnersuusiortoqarsinnaavoq.
- Suliniut tamanna pitsaasuuvoq. Oqaatsit siunissami atajuartuunissaannut taaguusersuineq taamaattoq pingaaruteqartorujussuuvoq.
Taama oqarpoq Oqqaseriffimmi sulisoq, Per Langgaard, nangillunilu oqarluni, neriullunili suliniut tamanna kalaallit oqaasiisa nukittunerulernissaannut aqqutissiuissasoq, tamannami oqaatsit uummaarissuunissaannut ineriartortuaannarnissaannullu attuumassuteqarluinnarmat, aamma IT-p iluani.
- Kalaallit Nunaanniittut tamaasa kaammattussavakka pisinnaanertik tamaat nittartakkamut tassunga siunnersuutissaminnik ilanngussiortoqqullugit, Oqaasileriffimmi sulisoq, Per Langgaard oqarpoq.
