"Stan"-ip saarngi 188-iupput, taakkualu South Dakotami ujarassiuut misissuisarfianni, tassa Black Hills Geological Research Institutemi palæontologinit ukiut pingasut sinnerlugit ingerlaneranni assanneqarlutillu pissusissaatut inissitsinerneqarput.Assi: Eirik Newth/flickr

T-rex-erujussuaq New Yorkimi akitsorserussinikkut tuniniarneqalertoq

T-rexerujussuaq millionilikkaalerumaneqassasoq, akitsorterussiviup neriutigaa.

Dinosaurusimik piserusuppit? Taamaappat iliuuseqalertortariaqarputit. Dinosaurusimmi ilaanni, tassa T-rexini anginerpaaq tuluit akitsorterussivianni oktoberip aallartinnerani akitsorterussinikkut tuniniarneqassaaq.

Taassuma saarngi itsarsuarnitsat ukiut 67-it millionit missaannik pisoqaassuseqartut ilimagineqarpoq. Tuniniarneqartussarlu South Dakotami 1987-imi nassaartumut qangarsuaq inuunermik uumanermillu tassa palæontologimik soqutigisalimmut, Stan Sacrisionimut, atsiunneqarsimavoq.

"Stan"-ip saarngi 188-iupput, taakkualu South Dakotami ujarassiuut misissuisarfianni, tassa Black Hills Geological Research Institutemi palæontologinit ukiut pingasut sinnerlugit ingerlaneranni assanneqarlutillu pissusissaatut inissitsinerneqarput.

Millionilikkaalerumaneqassasoq neriuutigigaat

Saanikunnguussimasoq "Stan" oktobarip ulluisa arfernanni akitsorterunneqannginnerani saqqummersitsivimmiit New Yorkiliaanneqassaaq.

Uumasuni neqituumasuni anginerpaat ilarisimasaat T-rexit saarngi Stanitulli ittut nunarsuaq tamakkerlugu 50-it missiliorpaat.

Stan 6-8 millionit dollarilerneqassasoq tassa 50 millionit koruunit missaannik akilerneqassasoq, akitsorterussiviup neriuutigaa.

Taamaattoqassappat Chicagomi katersugaasivimmut 1997-imi 8,3 millionit dollarilerlugu pisiaq t-rex "Sue"-lu akeqqatigiipajaassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat