Tønder Festivalip nunap inoqqaavi immikkut sammigai
- Soorunami inuit aggersut nuannersumik inussiarnisaarfigiuamaarpagut, tusarnaarteqattaarlugillu oqaluttuarfigisaqattaarlugillu. Ingerlalluarumaarpoq, Rasmus Lyberth KNR-imut oqarpoq.
Nive Nielsen and the Deer Children arfininngorpat tusarnaartitsissapput, Rasmus Lyberthilu sapaatiuppat tusarnaartitsissalluni.
Rasmus Lyberthillu nipilersugai ilisimaneqarluartut nutartikkat sapaatiuppat tusarnaarneqarsinnaassapput.
AAMMA ATUARUK Lyberth optræder i færøsk opsætning af dansk dogmefilm
- Erinnat qanga sanasimasakka puiorsimasakka sungiusaratsigit nutaanngorsarlugillu assorujussuaq alutornartunngoraminaasiit. Soorlumi oqariartuutitik aatsaat tigugaat.
Nunat inoqqaavisa nipilersugaat ukioq manna sammineqarput, nipilersortartullu nunatsinneersut saniatigut nipilersortartut saamit, indianerit Australiallu inutoqaa ataaseq tusarnaartitsissapput.
AAMMA ATUARUK Rasmus Nivelu Tønder Festivalimi appisimaaqataassasut
Rasmus Lyberthip Tønder Festivalimi tusarnaartitseqqinnissani qilanaarigaluarlugu, oqaatsip "nunat inoqqaavi" atorneqarnera nuannarivallaanngilaa.
- Uanga naleqqussorisannginnakku. Qallunaajugutta tuluugutta tamatta nunarsuarmioqataavugut. Taamaammat uanga oqaaseq taanna atorneqaraangat nuannarivallaarneq ajorpara, Rasmus Lyberth oqarpoq.
AAMMA ATUARUK Rasmus Lyberth qalipaasartutut saqqummertoq