Søren Pindip oqaaserisani tunuartippai

Kalaallit folketingimut ilaasortaatitaasa tamanna pillugu taaseqataasinnaanerat Søren Pindip akuersaarpaa, peqqusersiornertulli aamma taallugu:

- Meeqqat Kalaallit Nunaanniittut atugaat aaqqiivigeqqaarnagit Danmarkimi meeqqat atugaat pillugit taama isummertoqarsinnaammat tamanna peqqusersiornertut nalilerneqarsinnaasoraara, Søren Pind, P1-debatimi apersorneqanerrmini oqarpoq.

Niviarsiaqqat 20 – 30 procentiisa kinguaassiutitigut atornerlunneqartarsimanerat tikkuartuutigalugu taanna aamma oqarpoq kalaallit politikerii aaqqiissutissanik siunnersuusiorneq ajortut.

- Sermersuarminngaanniit Danmarkimut piinnavillutillu nunasiniartut pillugit oqallinnermut akuliupput, tamanna akerlilerusuppara, Søren Pind radiokkut oqallinnermi ippassaq oqarpoq, oqaaserisimasanili ullumi tunuartippai. Kalaallit Nunaata Folketingimut ilaasortaatitaata aappaata Juliane Henningsenip Søren Pindip oqaasii aviisimi Fyens Stiftstidendemi akerlilerpai.