Søren Pind uisakajaartitsilereerpoq
- Inuit Danmarkimut nuukkaangamik naalagaaffimmilu innuttaalerusullutik, qallunaanngornissartik soorunami kissaatigisarpaat - Danmarkimi allanngortitsiniarlutik nuunneq ajorput. Uanga isummama pikkunartortaa tassaavoq, illuatungiuttunummi naleqqiullunga inuiaqatigiit inuianni assigiinngitsuneersunik inuttallit naleqartutut isiginngilara, Søren Pind oqarpoq.
- Naalakkersuisut politikkikkut qaquguluunniit taama isummissanngillat, nunasisut pillugit Konservativit oqaaseqartartuat, Naser Khader oqarpoq.
Nunasisut pillugit siunnersortip, Mohammad Rafiqip, ministerinngorlaap oqaasii "annilaarnarnerarpai".
- Søren Pindip taama oqarnera Danmarkimi nunasisunut ajoqutaassaaq, Søren Pindillu isummaminik allanngortitsinissaa Rafiqip kaammattuutigaa.
Nunasisut pillugit Odensep Kommuneani siunnersuisoqatigiinni siulittaasup tullia, Samer Abou Hachim, isumaqataavoq:
- Søren Pind taama aallartimmat assorsuaq ajuusaarnarpoq, nunasisut qallunaallu imminnut ungasitsilerpai.
- Nunasisuugaanni qallunaanut inuiannut soorunami akuliunniartariaqarpoq, ileqquisalu ilaannik atuiniarsaraluni, kisianni inuup nammineq aamma aalajangersinnaavaa qanoq inoorusunnerluni, Samer Abou Hachim oqarpoq.
