Søren Espersen utoqqatsernissamut akerliujuarsinnarpoq
Taamatullu oqarnini Danmarkip Radiuanut ullumikkut tunngavilersorpaa. Kalaallit, Kalaallit Nunaata Danmarkillu akornanni qanga pisimasut qaqilerniarpatigik, taava aamma Kalaallit Nunaanni ukiuni 30-ni atorsinnaanngitsunik naalakkersuisoqarneq akileraarutinillu Danmarkimeersunik asuli atuineq misissuiffigineqartariaqarput!
- Sorpassuit qaqilerneqassappata, Danmarkilu ajortuliortutut naqissuserneqassappat, taava aamma Kalaallit Nunaanni ukiuni 30-ni naalakkersuinikkut aqutsinerlunnerup misissuiffigineqarnissaa kissaatigaara. Matumani pineqarput ilaquttanik kammalaatinillu salliutitsinerit, peqquserlulluni akilersittarneq pilersaarutillu kukkusumik ingerlanneqartut. Naalakkersuinermik suliallit Danmarkimi akileraartartut akiligaannik imminnut iluaqusersortut. Danmarkimiit kukkussutaasimasinnaasunik misissuisoqassappat, taava kalaallit ukiuni 30-ni aqutsinerlunnerat aamma qaqileriffigineqartariaqarpoq, Søren Espersen, Dansk Folkepartiimeersoq Danmarkip Radiuanut ullumi taama oqarpoq.