Søren Espersen: Namminersorneq pillugu Isumalioqatigiissitaliorneq kukkuneruvoq
Kalaallit nunaata namminersorneq pillugu isumalioqatigiissitat
qallunaat kalaallillu naalakkersuisui toqqaannartumik isumaqatigiinniartariaqarput, namminersorneq pillugu isumalioqatigiissitaq kukkuneruvoq, Dansk Folkeparti sinnerlugu namminersorneq pillugu isumalioqatigiissitami ilaasortaq Søren Espersen oqarpoq, taanna isumaqarpoq ministeriuneq akuliuttariaqartoq.
- Kalaallit Nunaanni aatsitassanit isertitsissutaajumaartussanut tunngatillugu namminersorneq pillugu isumalioqatigiissitami isumaqatigiinnginnermut atatillugu, danskit naalakkersuisuisa ingammillu ministeriunerup Anders Fogh Rasmussenip akuliunnissaa Søren Espersenip piumasaraa.
Ikummatissanut aatsitassanullu tunngatillugu namminersorneq pillugu isumumalioqatigiissitaliami siunnersuutissatut siunniussaq, ataatsimiititaliami amerlanerussuteqartut isumaqatigiissutigisaata maanna aaqqiagiinngissutaalernerata kingorna sulineq unitsinneqarpoq. Siunnersuutissatut siunniussaq taanna Søren Espersenip oqarnera malillugu Danskit naalagaaffiata ilaanik tunniussinnerussaaq, taamaattumillu ministeriuneq aamma Kalaallit Nunaanni naalakkersuisut isumaqatigiinniartariaqartut, Søren Espersen isumaqarpoq.
- Illuatungeriit aallaqqaataaniilli toqqaannartumik isumaqatigiinniartariaqaraluarput, Søren Espersen oqarpoq. Taamatut suliniuteqartoqaqqullugu kajumissaarutigaara, taamaalilluni naalagaaffiup ilaa tunniunneqassappat tamanna ministeriunerup nammineerluni akisussaaffigissammagu, Dansk Folkepartiip namminersorneq pillugu ataatsimiititaliami ilaasortaatitaa taama oqarpoq.
