Søren Alaufesen: Borgmesterit tusaaniarusuppakka
Kommunit aaqqissuuteqqinnissaannut borgmesterit kinguartitserusuttut Siumup Inatsisartunut ilaasortaatitaannit taperserneqarnissartik ilimagissanngilaat.
Aaqqissuusseqqinerup januaarip ulluisa aallaqaataanni 2009-mi atuutilernissaa partiip Inatsisartunut ilaasortaatitaasa aalajangiusimavaat.
KANUKOKA-p siulittaasortaavata, Atassummeersup, Søren Alaufesen-ip, borgmesterit kinguartitserusuttut tusaaniarumallugit Radioavisimi oqarpoq, tamannalugooq Kattuffimmi siulersuisunngortut nutaat peqatigalugit oqallisigerusuppaa.
Inatsisartunulli ilaasortat – aamma siulittaasup, Hans Enoksen-ip, tamanna tusarusunngilluinnarpaat – tamannalu erseqqissumik oqaatigineqarpoq.
Tusagassiutinut nalunaarummi atuarneqarsinnaavoq: ”Maluginiassavarput KANUKOKA-p siulittaasortaava oqarmat siulittaasumik toqqaaneq akuersaarini, suliassanilu merseringinnamiuk siulittaasunngornini ernumaginagu. Suliassanilu merserinngikkuniuk, kommunerujussuassat atuutsilernissaannut januaarip ulluisa aallaqaataat 2009-mi Inatsisartut siunniussaat ukiumik ataatsimik soornguna kinguartinniarsarigaa?” Siumup Inatsisartuni ilaasortaatitai aperipput.
